"რუსეთის ეკლესია 20 წელია გვატყუებს. საქართველოს და რუსეთის მართლმადიდებლური ეკლესიები ყველაზე დიდი მოკავშირეები არიან. ისინი ერთად მოქმედებენ დღეს ჩვენს წინააღმდეგ ყველა მიმართულებით. ისინი ფარულ მოლაპარაკებებს აწამოებენ, რომლებზეც არასოდეს ეპატიჟებიან აფხაზეთის წარმომადგენლებს", _ აცხადებს "რეგნუმისათვის" მიცემულ ინტერვიუში საბერძნეთის ეკლესიაში მოღვაწე აფხაზი სასულიერო პირი არქიმანდრიტი დოროფეი დბარი რომელმაც "აფხაზეთის წმინდა მიტროპოლია" დააარსა და რომელიც ოკუპირებულ აფხაზეთში ამჟამად არსებული ე.წ. აფხაზური ეპარქიის ხელმძღვანელთან ბესარიონ აპლიასთან დაპირისპირებაში იმყოფება.
დოროფეი დბარი აფხაზურ ე.წ. ეკლესიის მომავალს საბერძნეთისნ ეკლესიის წიაღში ხედავს, ხოლო ბესარიონ აპლია რუსეთის ეკლესიის წიაღში.
დბარის ინფორმაციით, როდესაც მათ მსოფლიო პატრიარქს აფხაზეთის საეკლესიო საკითხის გადაწყვეტაში დამხმარება სთხოვეს და ამ მიმართულებით აფხაზეთის შიგნით მუშაობა დაიწყეს, თავის მხრივ მსოფლიო საპატრიარქომად დაიწყო მუშაობა ე.წ. აფხაზეთის მართლმადიდებლური ეკლესიის პრობლემების შესწავლის საკითხზე.
მისივე ინფორმაციით, კონსტანტინოპოლის ეკლესიის წარმომადგენლები დადიოდნენ თბილისში და იქ არკვევდნენ თუ რა სიტუაცია იყო, იმიტომ რომ აფხაზური ეკლესიის პრობლემა მათთვის უცნობი იყო და ყველა ეკლესია მათ შორის რუსეთის მართლმადიდებლური ეკლესია აფხაზეთის ტერიტორიაზ საქართველოს მართლმადიდებლური ეკლესიის კუთვნილებად აღიარებს.
"უნდა აღნიშნოს, რომ მსოფლიოს საპატრიარქო თავიდან არ ელოდა იმას, რომ აფხაზულ საეკლესიო საკითხში ამდენი ინტერესი იქნებოდა.
შექმნილი სიტუაციიდან ნაპოვნი ყველაზე დიდი გამოსავალი საქართველოს ეკლესიის წარმომადგენლების სტამბულში ჩამოსვლა იყო. ავღნიშნავ, რომ საქართველოს ეკლესია კატეგორიული წინააღმდეგია მსოფლიოს საპატრიარქოს მონაწილეობით ჩვენთან შეხვედრებისა. ის მხოლოდ დიალოგს აღიარებს, ანუ ის მიიჩნევს, რომ აფხაზური საეკლესიო საკითხი ეს მისი საშინაო საქმეა. ჩვენ მართალია იმთავითვე გვესმოდა, რომ ქართული ეკლესიის წარმომადგენლებთან პირდაპირი მოლაპარაკებების გამართვას არავითაი აზრი არ ჰქონდა, იმიტომ, რომ ისინი თავის პოზიციას არ შეიცვლიდნენ, ჩვენ კი ჩვენსას. შესაბამისად, რა აზრი აქვს შეხვედრას?", _ აცხადებს დბარი და აღნიშნავს, რომ ამიტომაც სურდათ აფხაზებს მათსა და საქართველოს საპატრიარქოს წარმომადგენლების შეხვედრას მსოფლიო საპატრიარქოს წარმომადგენლები დასწრებოდნენ, იმისათვის რათა მათ "შემდეგ უკვე საკუთარი დასკვნები გამოეტანათ".
"იმის გამო, რომ ქართულმა მხარემ იცის, რომ მათი პოზიცია ძალიან მყიფეა, იგი ყოველთვის უარს აცხადებს შეხვედრებზე და რაღაც გამამართლებელ მიზეზებს ეძებს იმისათვის, რომ ამგვარი შეხვედრა არ შედგეს", _ აცხადებს დბარი და ხაზგასმით აღნიშნავს, რომ მან კარგად იცის, რომ ამ საკითხის რუსეთის საპატრიარქოს მეშვეობით გადაწყვეტის იმედი, რომელიც ბესარიონ აპლიას აქვს ფუჭია.
"უკვე 20 წელიწადია გვესმის, რომ ამ საკითხის გადაჭრა რუსეთის საპატრიარქოს მეშვეობითაა შესაძლებელი. ვიცი, რომ მოსკოვის საპატრიარქოს გავლით ეს საკითხი არასოდეს არ გადაწყდება. ჩვენ არ გვყავს ეპისკოპოსი, ამ დროს კი არსებობენ ადამიანები, რომლებიც მზად არიან მღვდლად ეკურთხონ და სასულიერო მოღვაწეობა განაგრძონ, მაგრამ ჩვენ ამას ვერ ვაკეთებთ, არც ერთი ჩვენთაგანი ეპისკოპოსი არ არის. აი მაგალითად, რამდენიმე ხნის წინ ლიხნის ტაძრის მღვდელი გარდაიცვალა და აღარავინ დარჩა ვინც იქ ღვთისმსახურებას ჩაატარებს.
აფახზი ეპისკოპოსის არსებობა მსოფლიო საპატრიარქოსთანაა დაკავშირებული. ჩვენ ეს გზა ავირჩიეთ, ვინაიდან 20 წელი მოსკოვის საპატრიარქოს ვუყურებდით, იქ სულ გვიმტკიცებდდნენ, რომ ეს საკითხი წყდება, თუმცა შემდეგ ჩვენ უკვე მივხვდით, რომ ჩვენ უბრალოდ გვატყუებდნენ
მე პირადად საბერძნეთში იქაური ერთ ერთი მიტროპოლიის ტერიტორიაზე ვიმყოფები და იმ მიტროპოლიტის მისამართით, მსოფლიო პატრიარქის მისამართით მოდის წერილები სადაც საუბარია იმაზე თუ როგორი ცუდი ვარ მე, რომ მე მწვალებელი ვარ და ა.შ. ერთ ერთ წერილში ისიც კი იყო ნათქვამი, რომ დოროფეი დბარი ქართული მართლმადიდებელი ეკლესიის ტერიტორიაზე მწვალებლურ საქმიანობას ახორციელებს. რუსეთის ეკლესიას მართლაც რომ სურდეს ჩვენი დახმარება ამას ძალიან მარტივად გააკეთებდა. ღიად ვიტყვი, რომ როდესაც ჩვენ აფხაზური ეკლესიის საკითხის გარკვევა დავიწყეთ მსოფლიო საპატრიარქოდან გაირკვა, რომ საქართველოს და რუსეთის მართლმადიდებლური ეკლესიები ყველაზე დიდი მოკავშირეები არიან. ისინი ერთად მოქმედებენ დღეს ჩვენს წინააღმდეგ ყველა მიმართულებით", _ აცხადებს დოროფეი დბარი.
მისივე თქმით, ის რაც მოხდა პოლიტიკურ სიბრტყეში - რუსეთის აღიარება და მისი დახმარემა, საეკლესიო სიბრტყეში "ეს არც მომხდარა და არც მოხდება", იმ უბრალო მიზეზის გამო, რომ თუ აფხაზური ეკლესიის პრობლემა გადაწყდა, მაშინ დღის წესრიგში დადგება მრავალი დიდი და მცირე ეკლესიების საკითხი, რომლებიც ამჟამად რუსეთის მართლმადიდებელი ეკლესიის შემადგებლობაში არიან და საბჭოთა კავშირის დაშლის შემდეგ სხვა და სხვა ქვეყნებში უკრაინაში, ბელორუსში და სხვა ქვეყნებში არიან განლაგებული.
იმის დასტურად, რომ რუსეთისა და საქართველოს მართლმადიდებლური ეკლესიები შეთანხმებულიად მოქმედებენ, დოროფეი დბარი ერთ ამბავს იხსენებს.
"2011 წლის ივნისში მოსკოვში მიტროპოლიტ ილარიონს მე და მამა ანდრეი ამპარი შევხვდით. ამ შეხვედრაზე დავსვით საკითხი, მზად არიან თუ არა ისინი გადაწვიტონ აფხაზეთის საეკლესიო საკითხი და როგორ აპირებენ ამის გაკეთებას მიპასუხეს, რომ მათ აქვთ ე.წ. ორმაგი იურისდიქციის იდეა. ანუ იურიდიულად საეკლესიო თვალსაზრისით აფხაზეთი ყოველთვის იქნება საქართველოს მართლმადიდებლური ეკლესიის შემადგენლობაში და დროებით გადაეცემა რუსეთის ეკლესიას მმართველობაში. მაშინ მე მათ ვუთხარი, როდესაც ერთმანეთში ამ საკითხზე მოლაპარაკებებს დაიწყებდდნენ არ დავიწყებოდათ, რომ არსებობს მესამე, აფხაზური მხარე, რომელიც თქვენს მოლაპარაკებებს არ დასთანხმდება. ერთი თვის შემდეგ ეს ე.წ. ორმაგი იურისდიქციის თემა განიხილეს რუსეთისა და საქართველოს პატრიარქების შეხვედრაზე და იგი მეტი არ გაგრძელებულა.
რუსეთისა და საქართველოს ეკლესიები ფარულ მოლაპარაკებებს აწამოებენ. რას ნიშნავს ეს? ისინი არასოდეს ეპატიჟებიან აფხაზეთის წარმომადგენლებს. გამოდის, რომ ისინი ჩვენს გარეშე განიხილავენ ჩვენი ეკლესიის ბედს",_ აცხადებს დბარი და აღნიშნავს, რომ საქართველოს ეკლესიის წარმომადგენლებთან აფხაზეთის ე.წ. სასულიერო პირებს არავითარი ურთიერთობა და მოლაპარაკებებოი არ აქვთ. აფხაზური მხარე ამ მოლაპარაკებების ჩატარებას ქართული მხარის პირისპირ ეწინააღმდეგება და მოლაპარაკებების გამართვას მხოლოდ მსოფლიო საპატრიარქოს მონაწილეობით მიიჩნევს შესაძლებლად.
"რეგნუმისათვის" მიცემულ ინტერვიუში დოროფეი დბარმა არც საქართველოში ახლახანს მსოფლიო და სერბეთის პატრიარქების ვიზიტს აუარა გვერდი და განაცდა, რომ მისი ინფორმაციით, პატრიარქებმა თბილისში აფხაზური ეკლესიის საკითხზე ისაუბრეს.
"იმ შემთხვევაში თუ ქართული და რუსული მართლმადიდებლური ეკლესიები მაინც შეძლებენ მსოფლიო პატრიარქის გადარწმუნებას აფხაზეთის საეკლესიო საკითხთან მიმართებაში ჩვენ სხვა ვარიანტებს მოვნახავთ. ისინი კი მადლობა ღმერთს არსებობს, თუმცა საქმე ჯერ ჯერობით აქამდე არ მისულა. ვნახოთ რა იქნება. ალბათ ამ ვიზიტის შემდეგ მსოფლიო პატრიარქს ჩამოუყალიბდა სრულფასოვანი სურათი იმის შესახებ თუ რაზე წასასვლელად არის მზად საქართველოს ეკლესია", _ აცხადებს დოროფეი დბარი.