დღეს, 21 იანვარს, საქართველოს კათოლიკოს პატრიარქს ილია მეორეს, რომელიც ვიზიტით რუსეთის დედაქალაქ მოსკოვში იმყოფება, მართლმადიდებელი ქრისტიანების ერთობის საერთაშორისო საზოგადოებრივი ფონდის ჯილდო გადაეცემა.
საერთაშორისო საზოგადოებრივი ერთობის ფონდის ყოველწლიურ დაჯილდოების ცერემონიალს რუსეთისა და მოსკოვის პატრიარქი, უწმინდესი კირილი უხელმძღვანელებს.
ფონდის მიერ დაწესებული პატრიარქ ალექსი მეორის პრემიით - "გამორჩეული საქმიანობისა და მართლმადიდებელ ხალხებს შორის ერთობის განმტკიცებისათვის ქრისტიანული ფასეულობების დამყარებისა და განმტკიცებისთვის საზოგადოებაში" საქართველოს კათოლიკოს-პატრიარქი, უწმინდესი და უნეტარესი ილია II კიდევ რამდენიმე პირთან ერთად დაჯილდოვდება.
მოსკოვში საზეიმო ღონისძიებას 1500-მდე სტუმარი დაესწრება, მათ შორის რუსეთის მთავრობის წარმომადგენლებიც იქნებიან.
22 იავარს, მოსკოვში კრემლის ყოვლადწინდა ღვთისმშობლის მიძინების სახელობის ტაძრში აგეგმილია წირვა. წირვაში მონაწილეობას მიიღბენ მოსკოვისა და სრულიად რუსეთის პატრიარქი და საქართველოს კათოლიკოს პატრიარქი.
23 იანვარს კი 15:00 საათზე დაგეგმილია რუსეთი პრეზიდენტისა და საქართველოს კათოლიკოს პატრიარქის შეხვედრა.
შეგახსენებთ, რომ სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე მოსკოვში 20 იანვარს, გაემგზავრა.
უწმინდესმა და უნეტარესმა ილია მეორემ მოსკოვში ვიზიტის წინ მრველს ლოცვის გაძლიერებისკენ მოუწოდა.
"მთელ საქართველოს მოგმართავთ, რომ ილოცოთ, რადგან მეტად რთული და ჩვენთვის საჭირო საკითხები იქნება განხილული", - განაცხადა ილია მეორემ და მრევლს "მოწყალებისა კარი განგვიღეს" მრავალჯერ გამეორებისკენ მოუწოდა.