პრეზიდენტი მსახიობ გურამ საღარაძის გარდაცვალების გამო მწუხარებას გამოთქვამს. ,,ვწუხვარ უბადლო ქართველი მსახიობის, მრავალმხრივი შემოქმედისა და ქართული თეატრის კლასიკოსის - გურამ საღარაძის გარდაცვალების გამო.
ბატონ გურამს არაერთი შესანიშნავი პერსონაჟი გაუცოცხლებია რუსთაველის თეატრის სცენაზე. მისი მონაწილეობით შემდგარი ყოველი სპეკტაკლი სულიერ საზრდოს აწვდიდა და აღაფრთოვანებდა მაყურებელს.საზოგადოების საყოველთაო სიყვარული და პატივისცემა მისი ღირსეულად განვლილი ცხოვრებისა და საინტერესო, მრავალფეროვანი შემოქმედების აღიარებაა. მისი შემოქმედება სამუდამოდ ეკუთვნის ქართველ ხალხს, მის აწმყოსა და მომავალს. დღეს საქართველომ დიდი დანაკლისი განიცადა. სრულიად საქართველოსთან ერთად ვიზიარებ მისი გარდაცვალებით გამოწვეულ ტკივილსა და მწუხარებას", _აღნიშნული პრეზიდენტის სამძიმრის წეილში. .
შეგახსენებთ, რომ გურამ საღარაძე გუშინ საღამოს გარდაიცვალა. მას სამშაბათს 22 იანვარს დიდიუბის პანთეონში დაკრძალავენ.