ბადრი ბიწაძე ბრუნდება. სასაზღვრო პოლიციის ყოფილი შეფი და „დემოკრატიული მოძრაობის" ლიდერის ნინო ბურჯანაძის მეუღლე საქართველოში ამაღამ, 03:30 საათზე დაბრუნდება.
როგორც ცნობილია თბილისის საქალაქო სასამართლოს განჩინებით, სასაზღვრო პოლიციის ყოფილი უფროსი ბადრი ბიწაძე ამნისტირებულია, - ამის შესახებ ბიწაძის ადვოკატმა, ლევან სამუშიამ განაცხადა.
ბიწაძეს პოლიციისთვის წინააღმდეგობის გაწევის ორგანიზების ბრალდება ოფიციალურად დღეს მოეხსნა.
"დემოკრატიული მოძრაობის" ლიდერის, ნინო ბურჯანაძის მეუღლეს, ბადრი ბიწაძეს ბრალი 2011 წლის 26 მაისის აქციის შემდეგ წაუყენეს. იგი საქართველოდან, 26 მაისის მოვლენების შემდეგ წავიდა და ბრალი დაუსწრებლად, აქციის დარბევისას პოლიციისთვის წინააღმდეგობის გაწევის ორგანიზების მოტივით წარედგინა.
