საქართველოს პროკურატურამ არაცივილურობის რეკორდი მოხსნა, _განაცხადა ჟურნალისტებთან პრეზიდენტმა პროკურატურის მიერ ცოტა ხნის წინ გავრცელებული კადრების კომენტირებისას. როგორც სააკაშვილმა ავლაბრის რეზიდენციაში გამართულ პრესკონფერენციაზე აღნიშნა მისი გუნდის რვაწლიანი მოღვაწეობის მანძილზე არასოდეს გამოქვეყნებულია ადამიანის პირადი ცხოვრების შემლახავი ვიდეომასალა.
,,საქართველოს პროკურატურამ არაცივილურობის რეკორდი მოხსნა. ჩაიდინა ამორალური და სრულიად დასაგმობი საქციელი. ეს არის სწორედ ის რასაც რუსი ოლიგარქების მიერ გაზრდილი ადამიანები სწავლობდნენ 90-იან წლებში რუსეთში", -განაცხადა პრეზიდენტმა და აღნიშნა, რომ ასეთ ფაქტი რუსეთში ელცინის დროსაც არ მომხდარა.
შეგახსენებთ, რომ პროკურატურამ ვიდეომასალა გაავრცელა. სამართალდამცველების ინფორმაციით, მეგის ქარდავას დავალებით პოლიციის დეპარტამენტის მაღალი თანამდებობის პირები აგროვებდნენ ინფორმაციას სექსუალურ უმცირესობას მიკუთვნილ მამაკაცებზე. ფარულად და უკანონოდ იღებდნენ მათი ცხოვრების პირადი ამსახველ ვიდეომასალას, რის შემდეგაც კომპრომაციის მუქარით მათ აშანტაჟებდნენ და აიძულებდნენ ფარულ თანამშრომლობას.ამასთან საია-ს შეფასებით, პროკურატურისა და მედია-საშუალებების მიერ სექსუალური უმცირესობების წარმომადგენელთა პირადი ცხოვრების უფლების ხელყოფა მოხდა.
