თავდაცვის ყოფილი მინისტრი ირაკლი ოქრუაშვილი ადვოკატთან ერთად, ნივთმტკიცებულებების გამოკვლევის მიზნით მოდულის შენობაში გამოცხადაა.
მოდულის შენობაში მხარეები მოსამართლესთან ერთად, იმ იარაღს შეამოწმებენ, რომლის დამალვას ე.წ. სამხრეთ ოსეთის ადმინისტრაციულ საზღვართან ოქრუაშვილთან ერთად შვიდ პირს აბრალებენ.
,,გუშინდელ სასამართლო პროცესზე ბრალდების მხარემ ვერ მოახერხა მოტანა ნივთმტკიცებულები და დღეს მოვედით მოდულის შენობაში, რადგან ადგილზე დავათვალიეროთ ნივთმტკიცებულებები", _ განაცხადა ჟურნალისტებთან ოქრუაშვილის ადვოკატმა ზვიად კორძაძემ და აღნიშნა, რომ ოქრუაშვილის წინაღმდეგ არანაირი მტკიცებულება არ არსებობს.
შეგახსენებთ, რომ გუშინდელ სასამართლო სხდომაზე პროკურორმა ნივთიერი მტკიცებულებები ვერ წარმოადგინა და ეს იმით ახსნა, რომ საბრძოლო მასალის ტრანსპოტირება სახიფათოა, რადგან მასალა შესაძლოა, აფეთქდეს. პროკურორმა მოსამართლეს ალტერნატივად მტკიცებულებების ადგილზე, მოდულის შენობაში დათვალიერება შესთავაზა. ნივთიერი მტკიცებულების დათვალიერების შემდეგ პროცესი საქალაქო სასამართლოში გაგრძელდება.
