შესაძლოა პროკურატურამ თავდაცვის და შს ყოფილ მინისტრს ბაჩანა ახალაიას ახალი ბრალი წაუყენოს, _აღნიშნულის შესახებ ჟურნალისტებთან შეხვედრისას მთავარმა პროკურორმა განაცხადა.
,,რაც შეეხება იმას მომავალში წარედგინება ბრალი თუ არა ბაჩო ახალაიას ამის შესახებ პერსპექტივას არც ვუარყოფ და არც ვადასტურებ. მინდა ვთქვათ, რომ დიდი მოცულობით ხდება მრავალი თემატიკის შესწავლა, რომელიც ეხება როგორც პირადი ღირსების შელახვას _ ცემას, წამებასა და მსგავს ფაქტებს, ისევე, როგორც საფინანსო ეკონომიკური საქმიანობის შესწავლას თავდაცვის სამინისტროში. ეს პროცესი მიმდინარეობს ამიტომ მომავალში გამორიცხული არაფერი არ არის", _განაცხადა კბილაშვილმა.
შეგახსენებთ, რომ ბაჩანა ბრალი სისხლის სამართლის კოდექსის 333-ე მუხლის მე-3 ნაწლით ედება, რაც სამსახურეობრივი უფლებამოსილების გადამეტებას გულისხმობს და ბრალის დამტკიცების შემთხვევაში თავისუფლების 5-დან 8 წლამდე აღკვეთას ითვალისწინებს. მას ასევე ბრალი ედება სისხლის სამართლის კოდექსის 143-ე მუხლის მესამე ნაწილით ედება, რაც თავისუფლების უკანონო აღკვეთას გულისხმობს და 7-დან 10 წლამდე თავისუფლების აღკვეთას გულისხმობს, ასევე 144-ე პრიმა 1 მუხლის მეორე ნაწილის "ბ" "დ" ქვეპუნქტებით, რაც ბრალის დამტკიცების შემთხვევაში, თავისუფლების 9-დან 15-წლამდე აღკვეთას ითვალისწინებს.
