20 ნოემბრიდან დღემდე დავით დარახველიძემ და მოადგილეებმა 1200-ზე მეტი იძულებით გადაადგილებული პირი მიიღეს. დავით დარახველიძემ დევნილთა მიღების დღეები მინისტრად დანიშვნის შემდეგ დააწესა. მიღებაზე მოსულ არაერთ დევნილ ოჯახს, რომელთაც გადაუდებელი საჭიროება გააჩნდათ, პრობლემა ადგილზე მოუგვარდათ. ხოლო იმ საკითხებზე, რომელიც ოპერატიულად ვერ გვარდება, მუშაობა მიმდინარეობს.
მაგალითად, ერთ-ერთ მრავალშვილიან ოჯახს, რომელსაც საცხოვრებელი ფართი არ გააჩნდა და ქირას ვერ იხდიდა, მინისტრმა ამ ეტაპისთვის არსებული რესურსი - სახლი სამეგრელოს რეგიონში შესთავაზა. ქალბატონმა შეთავაზება მიიღო და წინასაახალწლოდ საცხოვრებლად სენაკში, საკუთარ სახლში გადავიდა.
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის დავით დარახველიძის მიღების დღეა სამშაბათი. მოადგილეები და დევნილთა დეპარტამენტი კი დევნილებს მთელი კვირის განმავლობაში 13:00-დან 17:00-მდე ხვდებიან.
ოფიციალური მიღების დღეების გარდა, მინისტრი და მოადგილეები თბილისსა და რეგიონებში, კომპაქტურ ჩასახლებებში დევნილებს ყოველდღიურ რეჟიმში ხვდებიან. აღნიშნულის მიზანია მეტი კომუნიკაცია, მეტი ინფორმაცია, სამინისტროს გახსნილობა, თანამშრომლობა დევნილ საზოგადოებასთან და ნდობის აღდგენა.
მიღებაზე დევნილთა ჩაწერას სამინისტროს ცხელი ხაზი უზრუნველჰყოფს