საქართველოში ვიზიტად მყოფმა მსოფლიო პატრიარქმა ბართლომეოს პირველმა საქართველო ცოტა ხნის წინ დატოვა. მსოფლიო პატრიარქი თბილისის საერთაშორისო აეროპორტიდან ილია მეორემ პირადად გააცილა. უწმინდესმა და უნეტარესმა ილია მეორემ მსოფლიო პატრიარქს საქართველოში ჩამობრძანებისთვის მადლობა კიდევ ერთხელ გადაუხადა.
შეგახსენებთ, რომ მსოფლიო პატრიარქი ბართლომეოს პირველი საქართველოს 10 იანვარს ესტუმრა და მონაწილეობა მიიღო ილია მეორეს საიუბილეო თარიღებთან დაკავშირებით მიძღვნილ ღონისძიებებში.