დღეიდან პროკურატურა პოლიტდევნილებისთვის პასუხისმგებლობის მოხსნის მიზნით შესაბამის ღონისძიებებს განახორციელებს. ამნისტიის გამოცხადების შედეგად პოლიტდევნილთა სტატუსი 25 ადამიანს შეეხო მათ შორისაა ბადრი ბიწაძე, ბიძინა გიორგობიანი, ქიბარ ხალვაში და სხვები, რომლებიც საქართველოში არ იმყოფებიან. როგორც ჟურნალისტებთან იუსტიციის მინისტრმა თეა წულუკიანმა განაცხადა ამნისტიის კანონპროექტის ამოქმედების შემდეგ, პოლიტდევნილებთან დაკავშირებით, პროკურატურა მიმართავს სასამართლოებს შუამდგომლობით, აღმკვეთი ღონისძიების გაუქმების შესახებ.
,,მინდა შევეხო 25 პოლიტდევნილ პატიმარს, რომელსაც ამნისტიის კანონპროექტი ეხება. აქ უკვე მთავრი პროკურატურა ჩაერთვება. 14 იანვრიდან პროკურატურა მიმართავს სასამართლოებს შუამდგომლობით, აღმკვეთი ღონისძიების გაუქმების, ისე სხვა ტიპის ზომების მიღების მოთხოვნით. რაც შეეხება სხვა პატიმრებს, პროკურატურა ფეხს აუწყობს მთავრობის რიტმს და ორკვირიან ვადაში მოხდება ყველა იმ შუამდგომლობის ფორმირება, რაც საჭიროა დანარჩენი პატიმრების გათავისუფლების დასაწყებად", - აღნიშნა თეა წულუკიანმა.
შეგახსენებთ, რომ ამნისტიის შედეგად პირველ ეტაპზე ციხეები 190 პოლიტპატიმარმა დატოვა, რის შემდეგ პასუხისმგებლობისგან 25 პოლიტდევნილი გათავისუფლდება.
