გამოცდების ეროვნული ცენტრი ეროვნული სასწავლო ოლიმპიადის მეორე ტურის ჩატარებას ორშაბათს, 14 იანვარს ქართული ენისა და ლიტერატურის ოლიმპიადით იწყებს.
გამოცდების ეროვნული ცენტრის დირექტორი, მაია მიმინოშვილი ქართული ენისა და ლიტერატურის ოლიმპიადის მიმდინარეობას 161-ე საჯარო სკოლაში 12:00 საათიდან დააკვირდება.
დედაქალაქისა და რეგიონების 73 სკოლაში მონაწილეთა რეგისტრაცია 09:00 საათზე, ოლიმპიადა კი 10:00 საათზე დაიწყება.
ქართული ენისა და ლიტერატურის ოლიმპიადის მეორე ტურში 8 ათასამდე მოსწავლე მონაწილეობს.
დღის მეორე ნახევარში მოსწავლეები ინგლისური ენის ოლიმპიადაში მიიღებენ მონაწილეობას.
ეროვნული სასწვლო ოლიმპიადის მიზანი სასწავლო პროცესის სტიმულირება და საუკეთესო მოსწავლეების გამოვლენაა.
