ხვალ, 14 იანვარს, 18:00 სთ-ზე, საქართველოს ეროვნული ბიბლიოთეკის საგამოფენო დარბაზში გიწვევთ ხელნაკეთი ბარათების გამოფენაზე.
ანუნა ბუკიას მიერ სხვადასხვა მასალით საახალწლო და სადღესასწაულო მოტივებზე შექმნილი ექსკლუზიური ნამუშევარები მაკო ჯაოშვილის ლექსების ფრაგმენტებითა და ავტორისეული კალიგრაფიით გახლავთ გაფორმებული.
ექსპოზიციის მსვლელობისას ავტორები დამთავალიერებლებთან ერთად გიგანტურ ბარათს დაამზადებენ, სადაც ავტოგრაფისა თუ ტექსტური გზავნილის დატოვება ნებისმიერ მსურველს შეეძლება.
სიმბოლური ბარათი გამომცემლობა "პალიტრას" მიერ საჩუქრად გადმოცემულ წიგნებთან ერთად კონფლიქტის ზონაში მცხოვრებ ახალგაზრდებს გაეგზავნებათ.