თავდაცვის ყოფილმა მინისტრმა ირაკლი ოქრუაშვილმა თბილისის საქალაქო სასამართლო ცოტა ხნის წუნ დატოვა და ჟურნალისტებთან მცირე კომენტარი გააკეთა. როგორც ოქრუაშვილმა მედიის წარმომადგენლებთან განმართა იგი ელოდება სასამართლო პატიმრობიდან გაათავისუფლებდა.
"ერთი წუთი ეჭვი არ მეპარებოდა რომ ეს საქმე ასე არ დამთავრდებოდა. მიუხედავად ამისა, ორი საქმე კიდევ მიმდინარეობს და იმ კვირას დასრულდება. აღნიშნულ საქმებთან დაკავშირებითაც ანალოგიურ გადაწყვეტილებას ველოდები", -განაცხადა ოქრუაშვილმა, რომელმაც აღნიშნა, რომ მოდევნო კვირას ჟურნალისტებს შეხვდება და ყველა შეკითხვას უპასუხებს. ამასთან ოქრუაშვილი არ გამორიცხავს, რომ პოლიტიკაში ისევ დაბრუნდეს.
,,ცოტა რთული მაგის თქმა, მაგრამ ვნახოთ", - განაცხადა ირაკლი ოქრუაშვილმა სასამართლოს დატოვებისას.
შეგახსენებთ, რომ თბილისის საქალაქო სასამართლომ სამსახურეობრივი გულგრილობის საკითხზე, თავდაცვის ყოფილ მინისტრს ირაკლი ოქრუაშვილის აღმკვეთი ღონისძიების სახით გირაო 15 000 ლარის გადახდა დააკისრა.
"პროკურატურამ დააყენა შუამდგომლობა ირაკლი ოქრუაშვილის გირაოს 15 000 ლარის შეფარდების შესახებ, რომელიც სასამართლომ ორსაათნახევრიანი თათბირის შემდეგ დააკმაყოფილა და ოქრუაშვილი გათავისუფლდა სასამართლოს დარბაზიდან", -განაცხადა პროცესის დასრულების შემდეგ ოქრუაშვილის ადვოკატმა ზვიად კორძაძემ.
