პრემიერ-მინისტრმა ბიძინა ივანიშვილმა კანცელარიაში ილია მეორე, მსოფლიო პატრიარქი და მღვდელმთავრები მიიღო. პრემიერმა ბართლომეოს პირველს საქართველოში ვიზიტისთვის მადლობა გადაუხადა და სრულიად საქართველოს კათოლიკოს -პატრიარქის უწმინდესისა და უნეტარესის ღვაწლზე ისაუბრა.
,,მის უწმინდესობას უდიდესი წვლილი მიუძღვის ქართული სულიერებისა და ქართული კულტურის განვითარებაში. საქართველოს მოსახლეობა რამდენიმე დღის განმავლობაში სიყვარულით ზეიმობდა მისი უწმინდესობის დაბადების დღეს", -განაცხადა ივანიშვილმა.
შეგახსენებთ, რომ პატრიარქის დაბადებიდან 80 წლისა და აღსაყდრებიდან 35 წლის იუბილესთან დაკავშირებით ,,ქართულ უნივერსიტეტში" კონფერენცია გაიმართა რომელსაც მსოფლიო პატრიარქთან ერთად, სერბეთის, ბულგარეთის, ალექსანდრიის, კონსტანტინეპოლის, რუსეთის, ჩეხეთის მართლმადიდებელი ეკლესიების წინამძღოლები და მღვდელმთავრები ესწრებოდნენ. პატრიარქის იუბილესთან დაკავშირებით დიდ საკონცერტო დარბაზში გაიმართება კონცერტიც.