ყაზბეგში, ზვავში ჩამარხული რუსი მთამსვლელების საძიებო სამუშაოები განახლდა. ზვავში ჩამარხულ სამ მოსკოველ მთამსვლელს დილიდან თბილისიდან ჩასული და ადგილობრივი სამაშველო სამსახურის წარმომადგენლები ეძებენ. მაშველები უკვე შემთხვევის ადგილზე არიან და თოვლში ჩამარხულებს ეძებენ.
გუშინ სამაშველო სამუშაოები ცუდი ხილვადობის გამო ვერ განხორციელდა.
ოთხი ტურისტი მყინვარწვერიდან ეშვებოდა, როდესაც მეტეოსადგურსა და გერგეთის ეკლესიას შორის მონაკვეთზე ზვავი ჩამოწვა.
ზვავს ერთი მოზარდი მთამსვლელი გადაურჩა, რომელიც ყაზბეგის რაიონულ საავადმყოფოში გადაიყვანეს.