ცნობილი ფრანგი მსახიობი ჟერარ დეპარდიე, რომელმაც სულ ახლახანს რუსეთის ფედერაციის მოქალაქეობა მიიღო თავის თავს "მსოფლიო მოქალაქედ" მიიჩნევს და წინააღმდეგი არ არის კიდევ ერთი- ამჯერად ბრაზილიის მოქალაქეობა მიიღოს, იმ შემთხვევაში თუ ბრაზილიის მთავრობა მას ამას შესთავაზებს.
"მე - მსოფლო მოქალაქე ვარ და თუ ბრაზილია ერთხელაც მოინდომებს ჩემთვის პასპორტის მოცემას, მე რა თქმა უნდა, დავთანხმდები", _ განაცხადა დეპარდიემ. ინფორმაციას ამის შესახებ გაზეთი La Libre Belgique ავრცელებს.
შეგახსენებთ, რომ ჟერარ დეპარდიეს რუსეტის მოქალაქეობა ვლადიმერ პუტინმა მიანიჭა და მას სოჭში რუსეთის მოქალაქის პასპორტი გადასცა. დეპარდიეს მსგავსად, რუსეთის მოქალაქეობის მიღებას კიდევ ერთი ფრანგი მსახიობი ბრიჯიტ ბარდო აპირებს.
