დღეიდან , 10 იანვრიდან, ტელეკომპანია "ტაბულა" საცდელ მაუწყებლობას იწყებს. ჟურნალ "ტაბულას" მთავარი რედაქტორის თამარ ჩერგოლეიშვილის ინფორმაციით, ტელეკომპანიას, რომლის დამფუძნებელიც "სამოქალაქო განათლების ფონდია", ისევე, როგორც მის მიერ გამოცემულ ჟურნალს, "ტაბულა" ერქმევა.
ფონდის გამგეობის წევრები არიან: თამარ ჩერგოლეიშვილი, გია ნოდია, გიგა ზედანია, ბაადურ მალაზონია, ლევან რამიშვილი, ალექსი მაჭავარიანი, ბექა მინდიაშვილი, დავით პაიჭაძე, კახა ბენდუქიძე, გიორგი ფრუიძე, ნინო გოგიბერიძე, დავით კოვზირიძე, ირაკლი საღინაძე, ქეთევან დევდარიანი, გიორგი ლიფონავა.
შეგახსენებთ, რომ კომუნიკაციების მარეგულირებელმა კომისიამ "სამოქალაქო განათლების ფონდს" ტელეკომპანია "საქართველოს" 3 სატელევიზიო სიხშირე გადასცა.