მსოფლიო ეკონომიკური ფორუმის ექსპერტებმა უახლოესი ათწლეულის მთავარი რისკები დაასახელეს. ექსპერტების აზრით, ესენია: ცენტრალური ბანკების შეცდომები, დაუმარცხებელი ეპიდემიები, წყლის უკმარისობა და შიმშილი, უკონტროლო ინტერნეტი და მასობრივი განადგურების იარაღის გავრცელება.
უახლოეს ათ წელიწადში, მსოფლიო ეკონომიკის ყველაზე სავარაუდო რისკია უთანასწორობა ღარიბთა და მდიდართა შემოსავალს შორის და ფინანსური სისტემების ქრონიკული დისბალანსი. ასეთ პროგნოზს ათასამდე ექსპერტი აკეთებს, რომლებიც მსოფლიო ეკონომიკურმა ფორუმმა გამოკითხა. შარშანდელ წელთან შედარებით, ისინი უფრო პესიმისტურები გახდნენ. სპეციალისტების აზრითვე, ფინანსური პრობლემები, დაბერებული მოსახლეობა და შრომის ბაზარზე დისბალანსი მყიფე სახელმწიფოებს ემუქრება.
ხუთ ყველაზე სავარაუდო რისკებში შევიდა კლიმატის ცვლილება, რომელსაც სათბურების აირების გამოყოფა, წყალმომარაგების კრიზისი და საპენსიო სისტემის წარუმატებლობა გამოიწვევს. საპენსიო სისტემის დისბალანსი წელიწადში, იმდენად გაიზარდა, რომ ხუთ მთავარ რისკს შორის მყოფი კიბერთავდასხმა ჩაანაცვლა.
დამანგრევლად მოქმედებს წყალმომარაგების კრიზისი, ქრონიკული ფინანსური დისბალანსი, საკვების უკმარისობა და მასობრივი განადგურების იარაღის გავრცელება - ნათქვამია მოხსენებაში. ეს უკანასკნელი ყველაზე საშიში რისკების ხუთეულში სირიის პრეზიდენტის, ბაშარ ასადის სპეკულაციების შემდეგ შევიდა, ქიმიური იარაღის მარაგების თემაზე. გასულ წელს, ექსპერტებს ასევე ძალიან აღელვებდათ ფასების მკვეთრი ცვლილებები ენერგომატარებლებსა და საკვებ პროდუქტებზე.
სამი სისტემური რისკი, რომელიც ყველაზე მეტად აღელვებთ ექსპერტებს, არის ასევე ეკონომიკური პრობლემების გადაჭრა ეკოლოგიური ზიანის ხარჯზე, ჯანდაცვის სისტემის კრახი და უკონტროლო ინფორმაციის განთავსება ინტერნეტში.
ვიდრე მსოფლიო ლიდერები ეკონომიკურ ხანძრებს აღვივებენ, დედამიწის ეკოლოგიურ სისტემაზე დატვირთვა გაიზრდება. რაც შეეხება ჯანდაცვის სისტემას, კაცობრიობა ძალიან გაიტაცა ანტიბიოტიკებმა, ბაქტერიის მუტაციის სისწრაფე უკვე აღემატება მეციერების პროგრესს. რეზულტატი: გამოჩნდა ისეთი ინფექციები, როცა ნაკაწრმაც კი შეიძლება პანდემია გამოიწვიოს.
რაც შეეხება საინფორმაციო ტექნოლოგიებს, ე.წ. ციფრულ ხანძრებს აჩენს ინტერნეტში განთავსებული ცრუ ინფორმაციები. მცდარი ინფორმაცია შეიძლება წაშალო, მაგრამ რამდენიმე წუთში ის მაინც ვრცელდება სოციალური ქსელებით. ამ პროცესის კონტროლირება შეუძლებელია, რასაც დამანგრეველი ეფექტი შეიძლება მოჰყვეს - აცხადებენ ექსპერტები. გამოსავალია ინტერნეტში ანონიმურობის შეზღუდვა, თუმცა, ეს გზაც ძალიან პრობლემატურია - ნათქვამია მოხსენებაში. თუმცა არსებობს კიდევ ერთი საშუალება - შეიქმნას გარკვეული კოდექსები მცდარი ინფორმაციების გავრცელების საწინააღმდეგოდ.
სახიფათო მაგალითები უკვე იყო ისტორიაში. მაგალითად, 1938 წელს, ამერიკულმა რადიოსადგურმა პანიკა გამოიწვია ქვეყანაში, როცა მსმენელებს „მარსელთა შემოჭრის" შესახებ აცნობა. 2012 წელს, ფილმის „მუსულმანთა უცოდველობა" თრეილერმა რამდენიმე ქვეყანაში არეულობის პროვოცირება მოახდინა. 2009 წელს კი, ავიაკომპანია United Airlines-ის აქციები 10 პროცენტით დაეცა, რაც „იუთუბზე" მომღერალ დეივ კეროლის ჰიტი - "United Breaks Guitars" გამოჩნდა.
მთლიანობაში, ექსპერტებმა 50 ყველაზე სავარაუდო გლობალური რისკი გაანალიზეს, თუმცა, დავოსში უფრო შორსაც წავიდნენ და ის სამეცნიერო რისკებიც განიხილეს, რომელიც დღეს შეუძლებლად გვეჩვენება, მაგრამ ყურადღებას მოითხოვს. მოხსენების ავტორების აზრით, უცხოპლანეტელთა არსებობის აღმოჩენა ასევე დიდი რისკია. თუ გამოჩნდება მტკიცებულება, რომ სამყაროში სიცოცხლის სხვა ფორმებიც არსებობს, ეს კაცობრიობის ცნობიერებისთვის დიდი ფსიქოლოგიური გარდატეხა იქნება. სპეციალისტების აზრით, რისკებს შორის, რომელთაც გლობალური კატასტროფა შეიძლება გამოიწვიონ, არის: ადამიანის ტვინის მართვაში ჩარევა, კლიმატის მართვის მცდელობები, დედამიწის ატმოსფეროს შემადგენლობის მკვეთრი ცვლილება, სიცოცხლის მაჩვენებლის გახანგრძლივება და მასთან დაკავშირებული ფინანსები მოხუცებისათვის და სხვა.