საგარეო საქმეთა მინისტრმა, მაია ფანჯიკიძემ ჯემალ აჯიაშვილის ხსოვნისადმი მიძღვნილ სამძიმრის წიგნში სამახსოვრო ჩანაწერები დატოვა. როგორც ჟურნალისტებთან ფანჯიკიძემ განაცხადა ჯემალ აჯიაშვილი მნიშვნელოვანი ფიგურა იყო ქართველ და ებრაულ პოეზიაში.
,,იგი იყო ძალიან დიდი პოეტი და მთარგმნელი, მნიშვნელოვანი ფიგურა ქართველ და ებრაულ პოეზიაში, ასევე გახლდათ საგარეო საქმეთა სამინისტროს თანამშრომელი და მუშაობდა ისრაელში საქართველოს საელჩოში. ამიტომ მე აქ ორმაგი დატვირთვით ვარ - როგორც საგარეო საქმეთა მინისტრი და როგორც ქართულ მწერლობასთან მჭიდროდ დაკავშირებული ოჯახის წარმომადგენელი. ჩემთვის ძალიან ამაღელვებელი იყო ამ სამგლოვიარო ცერემონიაში მონაწილეობა", _ განაცხადა ფანჯიკიძემ.
შეგახსენებთ, რომ საქართველოს მწერალთა სახლში ჯემალ აჯიაშვილის ხსოვნისადმი მიძღვნილი სამძიმრის წიგნი დღეს, 13:00 საათზე გაიხსნა და მასში ჩანაწერების დატოვება მსურველებს ხვალაც შეეძლებათ.