,იუნესკოს ექნება დიდი მცდელობა, რომ ელეგანტური ფორმით მოხდეს ახალი საზღვრების დადგენა გელათის ნომინაციაში", _ აღიშნულის შესახებ საქართველოს კულტურის ძეგლთა დაცვის მინისტრის მოადგილემ მარინა მიზანდარმა განაცხადა, რომელიც მინისტრთან ერთად მსოფლიო მემკვიდრეობის ცენტრის დირექტორ ფრანჩესკო ბანდარინის შეხვდა და ბაგრატის ტაძრის მომავლის შესახებ იმსჯელეს.
"იუნესკოს" ექნება დიდი მცდელობა, რომ ელეგანტური ფორმით მოხდეს ახალი საზღვრების დადგენა გელათის ნომინაციაში, სადაც ბაგრატი შესულია არქეოლოგიური ძეგლის სტატუსით და გაკეთდეს ისე, რომ ბაგრატზე იუნესკოს მხრიდან მახვილი საერთოდ აღარ იქნეს დასმული და ძეგლის სტატუსის ტვირთი გელათმა და მისმა მიმდებარე ტერიტორიამ იტვირთოს, რომელშიც, სავარაუდოდ, ბაგრატიც იქნება მოქცეული და ასეთი ფორმით გაკეთდეს ახალ ნომინაციაზე მოთხოვნა, ახალი საზღვრებით და ბაგრატი იქნება როგორც ამ ტერიტორიაზე მდებარე ერთ-ერთი ძეგლთაგანი და არა როგორც ბაგრატი თავისთავად, რადგან "იუნესკოს" ნორმებს დღევანდელი ბაგრატი აღარ შეესაბამება და ის ასეთი სახით კულტურული მემკვიდრეობის ნუსხაში ვეღარ დარჩება", - განაცხადა მარინა მიზანდარმა.
შეგახსენებთ, რომ კულტურისა და ძეგლთა დაცვის მინისტრის გურამ ოდიშარიას ინფორმაციით, ბაგრატის ტაძარს შესაძლოა, იუნესკოს მფარველობა მოეხსნას.
