საზეიმო ღვთისმსახურებას ქრისტეს შობის დღესასწაულთან დაკავშირებით სრულიად საქართველოს კათოლიკს-პატრიარქი, უწმინდესი და უნეტარესი ილია II ყოვლადწმინდა სამების საპატრიარქო ტაძარში აღავლენს.
როგორც "ჯი-ეიჩ-ენს" საპატრიარქოდან აცნობეს, 6 იანვარს საზეიმო ლოცვა დაიწყება 21.00 სთ. 23.00 სთ. წაიკითხება საშობაო ეპისტოლე. საღმრთო ლიტურგია დაიწყება ღამის 12 საათზე.
7 იანვარს, ქრისტეშობის დღესასწაულზე ალილო დაიწყება 14.00 სთ.-ზე. მოძღვრები მრევლთან ერთად შეიკრიბებიან სხვადასხვა ტაძრებიდან; საზეიმო მსვლელობა ერთდროულად დაიწყება ვარდების მოედნიდან და ისნის მეტროს მიმდებარე ტერიტორიიდან.
მეალილოები გაემართებიან ყოვლადწმინდა სამების საპატრიარქო ტაძრისკენ, სადაც სრულიად საქართველოს კათოლიკოს-პატრიარქი, უწმინდესი და უნეტარესი ილია II საშობაო პარაკლისს შეასრულებს. ალილოზე შეგროვებული ნუგბარი და საჩუქრები ბავშვთა სახლებსა და მოხუცებულთა თავშესაფრებს გადაეცემა.
