დევნილთა და განსახლების მინისტრის პირველი მოადგილე გოგი ფაცაცია ზემო ალექსეევკას დასახლებაში მცხოვრებ იძლებით გადაადგილებულ პირებს შეხვდა, დევნილთა საჭიროებები მოისმინა და სამინისტროს პრიორიტეტსა და გეგმებზე ესაუბრა. გოგი ფაცაციამ დევნილებს შობა-ახალი წელიც მიულოცა და ყველა ოჯახს საჩუქრად ტკბილეული გადასცა.
დევნილებმა მინისტრის მოადგილესთან შევედრისას აღნიშნეს, რომ 18 წლის მანძილზე ისინი არავის გახსენებია, მათთან სტუმრად არც არავინ მისულა და საჩუქრებზე ხომ საუბარიც ზედმეტია.
„18 წელია აქ ვცხოვრობთ. ძალიან ცუდი პირობები გვაქვს. ფართი კარგია, მაგრამ სველი წერტილები არ გვაქვს და ძალიან ვწვალობთ. ერთი საერთო სველი წერტილით ვსარგებლობთ. 18 წლის მანძილზე სამინისტროში არაერთი წერილი დავწერეთ, არაერთხელ მივედით, მაგრამ არანაირი შედეგი. მთავრობის შეცვლის შემდეგ ერთხელ მივედი სამინისტროში, ჩვენი პრობლემებით დაინტერესდნენ და დღეს მოვიდნენ კიდეც. ყურადღებას ნამდვილად ვგრძნობთ და დარწმუნებული ვარ, მოგვაქცევენ ყურადღებას" - აღნიშნა აფხაზეთიდან დევნილმა ლარისა თოდუამ.
აღნიშნულ ჩასახლებაში აფხაზეთიდან დევნილი 17 ოჯახი ცხოვრობს.
მასალის გამოყენების პირობები