ხვალ, 4 იანვარს, 13:00 საათზე პრეზიდენტის ავლაბრის რეზიდენციასთან პრეზიდენტის გადადგომის მოთხოვნით, ხელმომწერ ორგანიზაციათა შეკრება გაიმართება. ამასთან გრძელდება ხელმოწერების შეგროვება პრეზიდენტის გადადგომის მოთხოვნით სრულიად საქართველოს მასშტაბით.
შეგახსენებთ, რომ ამა წლის 27 ნოემბერს, 30-მდე საზოგადოებრივმა ორგანიზაციამ, (მათ შორის პარტია „თეთრებმა") ხელი მოაწერა მემორანდუმს პრეზიდენტ სააკაშვილის გადადგომის თაობაზე.მემორანდუმში ნათქვამია „ვაფიქსირებთ რა საქართველოს პრეზიდენტის, მიხეილ სააკაშვილის არაადეკვატურობას მის პოსტთან, წლების მანძილზე მისი და მისი გუნდის მიერ ჩადენილ მრავალ არაკონსტიტუციურ და დანაშაულებრივი ქმედებებს, რამაც მნიშვნელოვნად დააზარალა ქართველი ერი, შეარყია ქართული კულტურა და დაარღვია საქართველოს მთლიანობა და სახელმწიფოებრიობა, ცალსახად ვაცხადებთ და კატეგორიულად მოვითხოვთ:დაუყოვნებლოვ გადადგეს საქართველოს პრეზიდენტი მიხეილ სააკაშვილი. აღნიშნულის მოთხოვნით დაწყებული ხელმოწერების შეგროვება გაგრძელდეს მთელი საქართველოს მასშტაბით, რისი ორგანიზებისა და განხორციელებისათვის ვერთიანდებით და თანაბრად ვანაწილებთ შესრულების პასუხისმგებლობას."
