საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს „ცხელ ხაზზე" დეკემბრის თვის განვალობაში 3708 მოქალაქის ზარი დაფიქსირდა.
იძულებით გადაადგილებულ პირთა ძირითადი საჭიროება და კითხვა დევნილთა განსახლებას ეხება. კერძოდ, დევნილი საზოგადოების ის ნაწილი, რომელთაც საბინაო პრობლემა წლების განმავლობაში არ მოგვარებია, აინტერესებთ, როდის დაკმაყოფილდებიან საცხოვრებელი ფართით. განსახლების საკითხთან დაკავშირებით დეკემბრის თვეში 855 ზარი დაფიქსირდა; შენობის რეაბილიტაციისა და კომუნიკაციის საკითხებთან დაკავშირებით - 87; დევნილის სტატუსთან დაკავშირებით - 254 ზარი დაფიქსირდა; ფულადი და სხვა სახის დახმარებებთან დაკავშირებით 533 ზარი შემოვიდა.
დანარჩენი კითხვები კი სხვადასხვა საკითხს ეხებოდა, რომლის გადამისამართება მოხდა როგორც სამინისტროს სტრუქტურულ ერთეულებში, ასევე სამინისტროს გარეთ, სახელმწიფო თუ არასახელმწიფო უწყებებში.
სამინისტროს „ცხელი ხაზი" ორშაბათიდან პარასკევის ჩათვლით 10:00 საათიდან 18:00 საათამდე მუშაობს. „ცხელ ხაზზე" დაკავშირება შესაძლებელია შემდეგ ნომრებზე: თბილისიდან: 243 11 00 ან 14-07