დედაქალაქის მერი გიგი უგულავა ახალ წელს თბილისელებთან ერთად შეხვდა. თბილისში სასწრაფო-სამედიცინო დახმარების ახალი ცენტრი გაიხსნა. ორიგინალური დიზაინის, ორსართულიანი შენობა ვაკე-საბურთალოს დამაკავშირებელი მაგისტრალის მიმდებარედ აშენდა.
ცენტრის პერსონალი ვაკისა და საბურთალოს მოსახლეობას მოემსახურება. სასწრაფო-სამედიცინო დახმარების ახალი ცენტრი თბილისის მერმა გიგი უგულავამ დაათვალიერა, თანამშრომლებს დამდეგი შობა-ახალი წელი მიულოცა და მათ სასწრაფო-სამედიცინო დახმარების სამსახურის ახალი უფროსი კახა ჩიხლაძე წარუდგინა.
ახალ 2013 წელს გიგი უგულავა იმ სოციალურად დაუცველ, უსახლკარო მოქალქეებთან ერთად შეხვდა, რომლებიც დროებით ყოფილი რკინიგზის საავადმყოფოს შენობაში ცხოვრობენ. თბილისის მერმა ახალი წელი საგანგებო და გადაუდებელი სიტუაციების მართვის სააგენტოს თანამშრომლებსაც მიულოცა.