ახალი ამბების სააგენტო GHN გილოცავთ 2013 წელს! ფეხბედნიერი ყოფილიყოს ახალი წელი სრულიად საქართველოსა და მისი თითოეული მოქალაქისთვის. მსოფლიოში მცხოვრები ყველა იმ ადამიანისთვის, რომლებიც საკუთარ თავს საქართველოს მეგობრად და გულშემატკივრად მიიჩნევენ.
გამარჯვებები და წარმატებები დაგბედებოდეთ ჩვენი ქვეყნის საკეთილდღეოდ.
2012 წელი ჩვენთვის განსაკუთრებით გამორჩეული იყო. GHN ევროპის ახალი ამბების სააგენტოების ასიციაციის წევრი გახდა. ჩვენ დავიმკვიდრეთ ადგილი ევროპის წამყვან საინფორმაციო საშუალებების ოჯახში, რითაც მნიშვნელოვნად გაიხარდა ჩვენი პასუხისმგებლობა.
2012 წელს, ისევე როგორც ყოველთვის, ვცდილობდით ვყოფილიყავით იქ, სადაც ჩვენი ქვვეყნისთვის მნიშვნელოვანი ამბები ხდებოდა. ვყოფილიყავთ სამშობლოსა და მართალი სიტყვის სადარაჯოზე. მუდამ ვგრძნობდით ჩვენი ერთგული მკითხველისა თანადგომას.
2012 წელს უამრავი მკითხველი, გულშემატკივარი შევიძინეთ და ამას განვიხილავთ როგორც ჩვენს მიერ იმთავითვე არჩეული სტრატეგიის - "ობიექტური და დამოუკიდებელი" წარმატებად.
ამავე სტრატეგიით განვაგრძობთ მუშაობასა და წინსვლას, რადგან მიგვაჩნია, რომ მედიასაშუალებისთვის ეს ორი კომპონენტია უმთავრესი მსაზღვრელი.
2013 წელს ჩვენ ვეცდებით ვიყოთ უფრო წარმატებულები. შემოგთავაზოთ ბევრი ახალი მედიაპროდუქტი და რაც მთავარია, მოგაწოდოთ ობიექტური და მიუკერძოებელი ინფორმაცია.