თბილისის მასშტაბით საგზაო ინფრასტრუქტურის მოწესრიგება გრძელდება.
დასრულდა ჭავჭავაძის გამზირისა (მე-9 საავადმყოფოსთან) და ვაკე-საბურთალოს მაგისტრალის ერთმანეთთან დამაკავშირებელი გზის მშენებლობა.
ახალი საგზაო მონაკვეთი დაიხაზა და შესაბამისი საგზაო ნიშნებით აღიჭურვა. თბილისელები ჭავჭავაძის გამზირისა და ვაკე-საბურთალოს მაგისტრალის ერთმანეთთან დამაკავშირებელ გზის მონაკვეთზე გადაადგილებას დღეიდან შეძლებენ. განხორციელებული სამუშაოები თბილისის მერმა გიგი უგულავამ დაათვალიერა.
