შს მინისტრმა ირაკლი ღარიბაშვილმა ლაფანყურის სპეცოპერაციის დროს დაღუპული სპეცრაზმის თანამშრომლების სოლომონ წიკლაურის და არჩილ ჩოხელის ოჯახები მოინახულა.
მინისტრმა განაცხადა, რომ საქმე პირად კონტროლზე აქვს აყვანილი და ოჯახის წევრებს პირობა მისცა რომ გამოძიება მაქსიმალურად ობიექტურად წარიმართება.
ირაკლი ღარიბაშვილმა განაცხადა, რომ ამ საქმეში მონაწილე ყველა დამნაშავე პირი კანონის შესაბამისად დაისჯება.
მინისტრმა ასევე სპეცოპერაციის დროს დაჭრილი სპეცრაზმელის ოჯახი მოინახულა და საახალწლო საჩუქრები გადასცა.
