დღეს, 28 დეკმებერს, საქართველოს კათალიკოს -პატრიარქი ილია მეორე მახათაზე მშენებარე ივერიის ღვთისმშობლის ხატის სახელობის ტაძრის მშენებლობას მოინახულებს.
როგორც "ჯი-ეიჩ-ენს" ფონდიდან "ივერიისა" აცნობეს, სრულიად საქართველოს კათალიკოს-პატრიარქი, უწმინდესი და უნეტარესი, ილია II მახათას მთაზე, 11.00 საათზე, მიბრძანდება.
ფონდის ინფორმაციით, მშენებლობა 2012 წლის 17 აპრილს დაიწყო. ტაძრის საძირკველი უკვე აშენებულია, რომელშიც მსოფლიოს სხვადასხვა კუთხიდან ჩამობრძანებული სიწმინდეები განთავსდა. საძირკველში ჩააბრძანეს ის ქვებიც, რომლებიც მოსახლეობამ პატრიარქის კურთხევით მიიტანა და მათზე მათი ახლობლების სახელებია დატანილი.
ღვთისმშობლის ხატის სახელობის ტაძარს მთელი საქართველო და უცხოეთში მცხოვრები ქართული ემიგრაცია ერთიანი ძალისხმევით აშენებს. სახალხო აქციაში უკვე 204 ათასზე მეტი ადამიანია გაერთიანებული. ივერიის ღვთისმშობლის ხატის სახელობის ტაძრის მშენებლობა 2700 კვ მეტრზე მიმდინარეობს.
ტაძრის მშენებლობის ფონდს "ივერიისა", პატრიარქის კურთხევით, პაატა ბურჭულაძე ხელმძღვანელობს.
