თბილისის მერიამ ფუნიკულიორის ისტორიული სამთო-საბაგირო გზის რეაბილიტაცია განახორციელა. მერიის ინფორმაციით, აღდგა ისტორიული ფუნიკულიორი, რეაბილიტაცია ჩაუტარდა ჭონქაძის ქუჩასა და მთაწმინდის პარკში არსებულ სადგურებს. 500 მეტრის სიგრძის გზა თანამედროვე სტანდარტების შესამისად მოეწყო, ლიანდაგებზე შვეიცარიული წარმოების, თანამედროვე დიზაინის, კომფორტული ორი ვაგონი იმოძრავებს. თითოეული ვაგონი უსაფრთხოების სისტემებით არის აღჭურვილი და 3 წუთში ჭონქაძის ქუჩას მთაწმინდის პარკთან აკავშირებს. თითო ვაგონით ერთდროულად 60 ადამიანი ისარგებლებს.
მგზავრობის ღირებულების გადახდა მთაწმინდის პარკში მოქმედი ბარათით იქნება შესაძლებელი და რიყის საბაგიროს მსგავსად, მგზავრები უახლოეს მომავალში ფუნიკულიორზეც სხვადასხვა სახის შეღავათებით ისარგებლებენ.
განხორციელებული სამუშაოები დღეს თბილისის მერმა გიგი უგულავამ დაათვლიერა.
მასალის გამოყენების პირობები
