4 იანვარს ფონდი "იავნანა" პატრიარქის 80 წლის იუბილესადმი მიძღვნილ კლასიკური მუსიკის საღამოს გამართავს. კონცერტში მონაწილეობას მიიღებენ საქართველოდან წასული და საქართველოში მყოფი გამოჩენილი მომღერლები.
ფონდი "იავნანა" პირეველად გამართავს კონცერტს, რომელიც არ იქნება საქველმოქმედო. კონცერტზე დასწრება იქნება მოსაწვევებით. ასევე გადაიცემა პირდაპირი ეთერი, სადაც შესაძლებელი იქნება სმს-ით პატრიარქისთვის მილოცვების გაგზავნა.
სრულიად საქართველოს კათალიკოს-პატრიარქი, მცხეთა-თბილისისა მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმიდესი და უნეტარესი, ილია II (ერისკაცობაში ირაკლი გიორგის ძე ღუდუშაური-შიოლაშვილი) დაიბადა 1933 წლის 4 იანვარს, ქალაქ ორჯონიკიძეში,გიორგი ღუდუშაურ-შიოლაშვილის და ნატალია კობაიძის ოჯახში. იგი არის ქართველი სასულიერო და საზოგადო მოღვაწე, სრულიად საქართველოს კათოლიკოს-პატრიარქი და მცხეთა-თბილისის მთავარეპისკოპოსი 1977 წლიდან.
2010 წლის 21 დეკემბრის სინოდის სხდომის გადაწყვეტილებით, საქართველოს კათალიკოს-პატრიარქის ტიტულატურა შემდეგნაირად განისაზღვრა: უწმიდესი და უნეტარესი ილია II, საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთის.
