დღეს, 22 დეკემბერს, 12:00 საათზე, ივანე ჯავახიშვილის სახელობის თბილისის სახელმწიფო უნივერსიტეტში ზუსტ და საბუნებისმეტყველო მეცნიერებათა ფაკულტეტის მიერ ორგანიზებული "ვიქტორინა 2012"-ის ფინალური ტური გაიმართება.
ფინალში მონაწილეობენ ნახევარფინალურ ტურში გამარჯვებული თბილისის და საქართველოს რეგიონების საჯარო და კერძო სკოლების X-XII კლასების მოსწავლეები. ვიქტორინა გუნდური პრინციპით ტარდება. თითოეულ გუნდში 6 მონაწილეა. მოსწავლეები უპასუხებენ სხვადასხვა სირთულის კითხვებს ზუსტ და საბუნებისმეტყველო მეცნიერებათა დარგებიდან - მათემატიკა, ფიზიკა, ქიმია, ბიოლოგია და გეოგრაფია.
ვიქტორინის ფინალში მონაწილეებს სერტიფიკატები და სამახსოვრო საჩუქრები, ხოლო პირველ, მეორე და მესამე ადგილზე გასულ მოსწავლეებს ფასიანი საჩუქრები გადაეცემათ.
