21 დეკემბერს, 14:00 საათზე, ივანე ჯავახიშვილის სახელობის თბილისის სახელმწიფო უნივერსიტეტის მუზეუმის საგამოფენო დარბაზში ფოტოგამოფენა "საგანძური" გაიმართება.
გამოფენაზე წარმოდგენილი იქნება ქართული ქრისტიანული ხელოვნების 40 ნიმუშის ნატურალური ზომების დაცვით შესრულებული მაღალმხატვრული ფოტოვერსია. სპეციალურად ექსპოზიციისთვის შემუშავებულია საგანმანათლებლო-შემეცნებითი პროგრამა ყველა ასაკის დამთვალიერებლისათვის, მომზადებულია მეთოდური, ვიზუალური და თემატური მასალები.
