გუდაურში ზამთრის ტურისტული სეზონი ოფიციალურად 22 დეკემბერს გაიხსნება. თუმცა მანამდე, 21 დეკემბერს, გუდაურში, საბაგირო სატესტო რეჟიმში იმუშავებს. უკვე ცნობილია, რომ ამ დღეს გუდაურში მყოფ დამსვენებელს საბაგიროებით სარგებლობა უფასოდ შეეძლება.
22 დეკემბრიდან კი საბაგიროთი სარგებლობისთვის საჭირო გახდება Ski-Pass-ის შეძენა.ბოლო მოსამზადებელი სამუშაო ამ დღეების განმავლობაში დასრულდება. ბილეთები გუდაურში საბაგიროებთან არსებულ სალაროებში და ასევე თბილისის ზოგიერთ მაღაზიაში გაიყიდება. ერთი დღის აბონემენტის ღირებულება 30 ლარია.
რაც შეეხება სტუდენტურ Ski-Pass, მისი ღირებულება 150 ლარია და აღნიშნული აბონემენტით სარგებლობა მთელი სეზონის განმავლობაშია შესაძლებელი.