სამოქალაქო აქტივისტების ინიციატივით, დღეს, 13 საათზე, თბილისში, ალექსანდროვის ბაღში უსახლკარო ადამიანებისათვის კარავი გაიშლება. აქტივისტებს კარავი ორგანიზაცია "World Vision"- მა გადასცა. ორგანიზატორები, რომლებიც უსახლკაროების დასახმარებლად საკვებს, ტანსაცმელს და საჭირო ნივთებს აგროვებენ, საზოგადოებას თანადგომისაკენ მოუწოდებენ.
ორგანიზატორების მიერ სოციალურ ქსელებში გავრცელებული ინფორმაციის თანახმად, უსახლკაროებისთვის გროვდება საკვები, თბილი ტანსაცმელი, პლედები, ლეიბები, საწოლები, სკამები, შეშის ღუმელი, შეშა, რომლებიც მსურველებს შეუძლიათ მიიტანონ, დღეს, 13:00 საათზე თავისუფლების მოედანზე (აქციის ორგანიზატორები იკრიბებინა ძველ უნივერმაღსა და სასტუმრო "ქორთიარდ მერიოტს" შორის, თავისუფლების #4).