შსს სამეგრელო-ზემო სვანეთის მთავარი სამმართველოს სენაკის საქალაქო სამმართველოს თანამშრომლებმა ბიტუმის ქურდობის ფაქტზე 3 პირი დააკავეს: 1951 წელს დაბადებული სერიოჟა ხ., 1944 წელს დაბადებული ნაომი ლ. და 1972 წელს დაბადებული ჯუმბერ კ.
გამოძიების მასალებით, 2012 წლის 14 დეკემბერს, აღნიშნულმა პირებმა ს/ს „არქეოპოლისის" საცავიდან, სადაც დარაჯებად სერიოჟა ხ. და ნაომი ლ. მუშაობდნენ, საასფალტე მასალა-ბიტუმი მოიპარეს. ბრალდებულებს მოპარული მასალები სატვირთო მიკროავტობუსით გადაჰქონდათ, როცა ისინი სამართალდამცავებმა დააკავეს. მიკროავტობუსის ჩხრეკის შედეგად, ამოღებულია 40 ტომარა ბიტუმი.
საქმეზე მიმდინარეობს გამოძიება საქართველოს სსკ 177-ე მუხლის მე 3-ე ნაწილის „ა" ქვეპუნქტით. დანაშაული 4-დან 7 წლამდე თავისუფლების აღკვეთას ითვალისწინებს.
მასალის გამოყენების პირობები
