ხვალ, 20 დეკემბერს, 12.00 საათზე, საქართველოს საპატრიარქოს წმინდა სინოდის სხდომა გაიმართება. ამის შესახებ "ჯი-ეიჩ-ენს" საპატრიარქოდან აცნობეს. სხდომას სრულიად საქართველოს კათალიკოს-პატრიარქი, უწმინდესი და უნეტარესი ილია II უხელმძღვანელებს.
სხდომის დღის წესრიგი უცნობია, რადგანაც წმინდა სინოდის მიერ განსახილველი საკითხები წინასწარ არასდროს სახელდება. წმინდა სინოდის სხდომის დადგენილება დღის ბოლოს გავცელდება.
საქართველოს მართლმადიდებელი ეკლესიის წმინდა სინოდი წლის განმავლობაში ორჯერ იკრიბება და ეკლესიისთვის მნიშვნელოვან საკითხებს განიხილავს.
