ზალიკო სულაკაურის სადღესასწაულო გასართობ ცენტრში იუვენლიური ართრიტით დაავადებული ბავშვებისთვის ღონისძიება გაიმართა.
როგორც "ჯი-ეიჩ-ენს" ღონისძიების ორგანიზატორმა, იუვენილური ართრიტით დაავადებული ბავშვების მშობელთა კავშირის ხელმღვანელმა ანა ბოქოლიშვილმა განუცხადა, ღონისძიების მიზანი არის საზოგადოებისთვის ინფორმაციის მიწოდება ამ დაავადების შესახებ. ეს არის პირველი ღონისძიება, რომელიც მოიცავს ბავშვებისთვის გასართობ ღონისძიებებს და პედიატრთა ასოციაციის ხელმძღვანელი საზოგადოებას გააცნოს ინფორმაციას ამ დაავადების შესახებ. მომავალში კი იგეგმება მასშტაბური ღონისძიებები. მშობელთა კავშირის პირველი მიზანი არის სახელმწიფო პროგრამის არსებობა ამ ბავშვების მკურნალობისთვის.
"იუვენილური ართრიტი არის სახსრების ანთება, რომელიც ვითარდება 16 წლამდე ასაკის მოზარდებში. ართრიტი ნიშნავს სახსრის შეშუპებას და მოძრაობის შეზღუდვას. შესაბამისად, ბუნებრივია, უჭირთ, მოძრაობა, ხედვა", - განუცხადა "ჯი-ეიჩ-ენს" პედიატრ-რევმატოლოგთა ასოციაციის პრეზიდენტმა მაკა იოსელიანმა.
"იუვენილური ართრიტით დაავადებული ბავშვების მშობელთა კავშირი" 2011 წლის 3 ოქტომბერს დაარსდა. კავშირის ძირითადი მიზანია საზოგადოების ცნობადობის გაზრდა დაავადებასთან მიმართებაში. სტანდარტული თერაპიისადმი რეზისტენტული პაციენტების (განსაკუთრებით მძიმე ფორმების) ადეკვატური მკურნალობის უზრუნველყოფისთვის ზრუნვა. საზოგადოებაში დაავადებულ ბავშვთა სრულფასოვანი ინტეგრირების ხელშეწყობა, პერმანენტული ურთიერთობა პედიატრ-რევმატოლოგთა ასოციაცისთან, ფარმაცევტული კომპანეიბის წარმომადგენლებთან დას ხვა ტიპის სამედიცინო ორგანიზაციებთან დაავდების გარშემო არსებული სიახლეების, მეთოდების, ახალი მედიკამენტების გაზიარების თვალსაზრისით.