რუსეთის დუმამ რუსეთის ფედერაციის ტერიტორიაზე აშშ-ის მიერ დაფინანსებული არაკომერციული ორგანიზაციების საქმიანობა აკრძალა.
კანონში შეტანილი ცვლილების მიხედვით, აიკრძალა, "აშშ-ის მიერ დაფინანსებული არაკომერციული ორგანიზაციების საქმიანობა, რომლებიც რუსეთის ფედერაციაში პოლიტიკით არიან დაკავებულნი. ეს აკრძალვა ეხება მათაც, ვინც პირდაპირ საფრთხეს წარმოადგენს რუსეთის ინტერესებისათვის", - იუწყება რუსული მედია.
მიღებული ცვლილება ადგენს, რომ რუსეთის იუსტიციის სამინისტრო აჩერებს იმ არაკომერციული ორგანიზაციების საქმიანობას, რომლებიც "რუსეთის ფედერაციის ტერიტორიაზე მონაწილეობენ პოლიტიკურ საქმიანობაში და უსასყიდლოდ იღებენ ფინანსურ სახსრებს და სხვა ქონებას აშშ-ის მოქალაქეებისა თუ ორგანიზაციებისგან, ან ახორციელებენ პროექტებს ან პროგრამებს რუსეთის ფედერაციის ტერიტორიაზე ,რომლებიც საფრთხეს უქმნიან რუსეთის ფედერაციის ინტერესებს".