"ჩემ მიერ უკვე არაერთხელ გაჟღერდა კონკრეტული ადამიანების გვარები, რომლებიც პრეზიდენტის მფარველობით წლების განმავლობაში ახორციელებდნენ უკანონო ბიზნესსაქმიანობას საქართველოში, ითვისებდნენ ეკონომიკურ რესურსებს, ათეთრებდნენ ფინანსებს ოფშორული კომპანიების მეშვეობით. ახორციელებდნენ დამოუკიდებელი ბიზნესსექტორის ტერორს, სარგებლობდნენ ბიზნესის კეთების ექსკლუზიური უფლებებით. ჩემ მიერ დასახელდა არაერთი ობიექტი, კომპანია, კორპორაცია რომლებსაც ფლობდნენ ეს ადამიანები - რეზო შარანგია, ხვიჩა მაქაცარია, გია და ლევან ყარამანისვილები, ბუთა ელიავა, თემურ ალასანია, თეიმურაზ არონია", - აღნიშნულია განცხადებაში.

განცხადებაში ნათქვამია, რომ ბიზნესკარტელის "მოღვაწეობა" მოიცავდა ენგერგომატარებლების ბიზნესს, კავშირგაბმულობას, სამშენებლო, მედიასაშვალებების, კვების მრეწველობის, ფარმაცევტულ, უძრავი ქონების, სახელმწიფო შესყიდვების ბიზნესსაქმიანობას.

"პირველ დონეს - იდეოლოგს და მფარველს წარმოადგენს პრეზიდენტი, მითითებების გამცემ, საქმის მწარმოებელ უშვალო კურატორ მეორე დონეს ზემოთ ჩამოთვლილი ბიზნესკარტელი, ხოლო შემსრულებლებისა და უკანონო ფინანსური სიკეთეების მომპოვებელი მესამე საფეხურის ერთ-ერთი მცირე ჯგუფის წარმომადგენლები არიან გვარამია, ხეთაგური, დამენია, კანდელაკი და სხვები. ეს უკანასკნელნი ფლობენ საკმაოდ სერიოზულ ინფორმაციებს, ოფშორული კომპანიების მეშვეობით ფინანსების გათეთრების თაობაზე", - აღნიშნავს ჩიტაძე.

მისი განცხადებით, "შარანგია, მაქაცარია, ყარამანიშვილები, ელიავა, ალასანია, არონია წარმოადგენენ ახალაიების პროტოტიპებს ქართულ ეკონომიკაში, სადაც გვარამია და დანარჩენები ის ბადრაგები არიან, რომლებიც პატიმრებს აუპატიურებდნენ".

"ადამიანის უფლებათა დამცველები ვიმედოვნებთ, რომ პროკურატურა შეძლებს გულდასმით შეისწავლოს და აწარმოოს ობიექტური გამოძიება ე.წ ბიზნესკარტელის საქმიანობასთან დაკავშირებით. ამასთან, გასათვალისწინებელია წინა ხელისუფლების მიერ დანატოვარი საგამოზიებო სისტემაში არსებული ხარვეზები და ამ დონის საქმეების პროფესიონალი გამომძიებლების სიმცირე. ვიმედოვნებ, სამართალდამცველი ორგანოები უმოკლეს/გონივრულ დროში შეძლებენ ობიექტურად გამოიძიონ ეკონომიკური დანაშაულის მსგავსი შემთხვევები", - ნათქვამია განცხადებაში.