სასჯელაღსრულების სამინისტროში გაიმართა სასჯელაღსრულების, პრობაციისა და იურიდიული დახმარების საკითხთა და იუსტიციის მინისტრების სამუშაო შეხვედრა თემაზე: პატიმართა რეაბილიტაცია და რესოციალიზაცია.
შეხვედრაზე იუსტიციის სამინისტრომ წარმოადგინა მემორანდუმი, რომელიც მიზნად ისახავს სასჯელაღსრულების და იუსტიციის სამინისტროების მიერ ერთობლივი ღონისძიებების განხორციელებას მსჯავრდებულთა ეფექტური რესოციალიზაცია-რეაბილიტაციისთვის. ყურადღება გამახვილდა განსახორციელებელი ღონისძიებების მნიშვნელობაზე, დანაშაულის განმეორებითი ჩადენის რისკებსა და ყოფილი მსჯავრდებულებისთვის საზოგადოებაში რეინტეგრაციის ხელშეწყობაზე.
იუსტიციის მინისტრის ინიციატივით, აქტიურად ამუშავდება იუსტიციის სამინისტროში არსებული დანაშაულის პრევენციის ცენტრი და სასჯელაღსრულების სამინისტროს შესაბამისი უწყების თანამშრომლებთან ერთად განახორციელებენ ერთობლივ პროექტებს პატიმართა რეაბილიტაცია-რესოციალიზაციისთვის.