გორის ყოფილი 12-ე საბავშვო ბაღის შენობაში მცხოვრებმა დევნილებმა, რომლებიც წლის 17 დეკემბერს ხანძრის შედეგად დაზარალებულმა დახმარების სახით პირველადი მოხმარების საგნები მიიღო. 15 დევნილ ოჯახს (48 ადამიანი), საქართველოში გაეროს ლტოლვილთა უმაღლესი კომისრის წარმომადგენლობის (გლუკი) და დევნილთა სამინისტროს დახმარებით გადაეცა სხვადასხვა დასახელების პირველადი მოხმარების საგნები.
დღეს, 19 დეკემბერს დაზარალებულ მოსახლეობას შეხვდნენ მინისტრი დავით დარახველიძე და გლუკის პროგრამის ხელმძღვანელი ანნე-კირსტენ გარბე. დაზარალებული ოჯახები დროებით ყოფილი სამხარეო პოლიციის ადმნიისტრაციულ შენობაში განთავსდნენ.
როგორც ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დახარველიძემ აღნიშნა, დაზარალებული დევნილები ახალ ფართში მალე გადავლენ: „შინაგან საქმეთა სამინისტროსთან ერთად დაზარალებული ოჯახებისთვის დროებით, ოპერატიულად მოიძებნა ფართი. დევნილებს აქ დარჩენა მაქსიმუმ 3 კვირა მოუწევთ. შეემდეგ კი ჩვენს მიერ რეაბილიტირებულ შენობაში გადავლენ, რომელიც იქნება მათი მუდმივი საცხოვრებელი."
მინისტრმა გაეროს ლტოლვილთა უმაღლეს კომისარიატს მადლობა გადაუხადა გაწეული დახმარებისთვის.
რაც შეეხება პირველადი მოხმარების საგნებს, დღეს დაზარალებულ ოჯახებს გადაეცათ: 10 ლიტრიანი წყლის ავზი (15 ცალი); დასაკეცი საწოლი (48 ცალი); სამზარეულოს აღჭურვილობა (15 ცალი); საბანი (48 ცალი); საწოლის თეთრეული (96 წყვილი); ბალიში (48 ცალი); ბამბის ლეიბი (48 ცალი); აბაზანის წყლის სათლი (15 ცალი); ელექტროგამათბობელი (15 ცალი) და თერმოსი (15 ცალი).