სამების საკათედრო ტაძარში, წმინდ ნიკოლოზის ხსენების დღესთან დაკავშირებული საღმრთო ლიტურგიის დასრულების შემდეგ, საქართველოს კათალიკოს-პატრიარქმა მრევლს ქადაგებით მიმართა.
უწმინდესმა, შეკრებილ მორწმუნეებს და სრულიად საქართველოს დღესასწაული მიულოცა და დღევანდელი დღის მნიშვნელობაზე ესაუბრა. "წმინდა ნიკოლოზი მსწრაფლშემწეა და მას დახმარებისთვის არაქტიანებიც მიმართავენ.. წმინდა ნიკოლოზი უამრავ სასწაულს აღასრულებდა და გაჭირვებულებს შეეწეოდა" - აღნიშნა პატრიარქმა. უწმინდესმა მრევლს სთხოვა, წმინდა ნიკოლოზს აფხაზეთის და ცხინვალის რეგიონის დაბრუნება სთხოვონ, რომელიც ჩვენი ცოდვების გამო დავკარგეთ.
წმინდა ნიკოლოზი საქართველოს მფარველ წმინდანად ითვლება. უწმინდესის კურთხევით, დღევანდელ დღესასწაული მორწმუნეთათვის თევზით ხსნილია.
