საქართველოს მასშტაბით, არამდგრადი ამინდი 28 დეკემბრამდე შენარჩუნდება. როგორც ,,ჯი-ეიჩ-ენთან"'საუბარში ჰიდრომეტეოროლოგიური კვლევის ცენტრის პროგნოზირების სამმართველოს ხელმძღვანელმა სვეტა ნიორაძემ განაცხადა ყინვები თანდათანობით შესუსტდება.
"თანდათან ყინვები შესუსტდება. დღეს და ხვალ Nნალექი თოვლის სახით ჯერჯერობით შენარჩუნდება, თუმცა ძლიერი თოვა მოსალოდნელი არ არის და თოვლის ინტენსიობა შემცირდება. 21 დეკემბრიდან კი საქართველოს მასშტაბით ველოდებით, ნალექს წვიმის სახით", _ განაცხადა ,,ჯი-ეიჩ-ენთან" საუბარში სვეტა ნიორაძემ და აღნიშნა, რომ 21 დეკემბრიდან დასავლეთ საქართველოში ტემპერატურა 18 გრადუსამდე მოიმატებს და აღმოსავლეთ საქართველოში ყინვები შესუსტდება.
მისივე განცხადებით, საქართველოში არამდგრადი ამინდი 27-28 დეკემბრამდე შენარჩუნდება. რაც შეეხება თბილისს სვეტა ნიორაძის განცხადებით, დედაქალაქშიც არამდგრადი ამინდი შენარჩუნდება მოსალოდნელია მცირე ნალექი თოვლის სახით, ხოლო ხვალ 20 დეკემბერს ნალექი წვიმის სახით.
