თოვლის გამო კახეთში რამდენიმე სოფელი გარესამყაროს არის მოწყვეტილი. შესაბამისი სამსახურები რეგიონში ძირითადად მხოლოდ ცენტრალურ გზას წმენდენ. ტრანსპორტის მოძრაობა შეუძლებელია გურჯაანის რაიონის სოფელ ჭერემში მიმავალ გზაზე, ასევე სიღნაღის რაიონის სოფელ ერისიმედთან დამაკავშირებელ გზაზე და ახმეტის რაიონში, ილტოს ხეობის სოფლებში.
ავტომანქანები მოძრაობას ვერ ახერხებენ დედოფლისწყაროს რაიონში, სოფლებთან სამთაწყაროსთან, ფიროსმანთან და საბათლოსთან დამაკვშირებელ გზაზე. პრობლემებია საგარეჯოს რაიონში, დავით - გარეჯის სამონასტრო კომპლექსისკენ მიმავალ გზაზეც.
როგორც კახეთის საინფორმაციო ცენტრს ახმეტის მუნიცოპალიტეტის გამგებელმა ბექა ბაიდაურმა განუცხადა, ლიპყინულის გამო ავტომანქანებს მოძრაობა უჭირთ პანკისის ხეობაში მიმავალ გზაზეც. გამგებლის თქმით, სოფლებთან დამაკავშირებელ გზებს შესაბამისი სამსახურები დღეს გაწმენდენ.
კახეთის საინფორმაციო ცენტრი დედოფლისწყაროს და გურჯაანის მუნიციპალიტეტების გამგებლებს ვერ დაუკავშირდა, მათ ტელეფონები გამორთული აქვთ.
