საქართველოს სასჯელაღსრულების, პრობაციისა და იურიდიული დახმარების საკითხთა და საქართველოს შრომის, ჯანმრთელობისა და სოციალური დაცვის მინისტრები ერთობლივი მუდმივმოქმედი კომისიის შექმნას აწერენ ხელს.
პატიმრობისა და თავისუფლების აღკვეთის დაწესებულებებში მყოფ მძიმე და განუკურნებელი სენით დაავადებულ მსჯავრდებულთა სასჯელისაგან გათავისუფლების მიზნით, საქართველოს სასჯელაღსრულების, პრობაციისა და იურიდიული დახმარების და ჯანმრთელობისა და სოციალური დაცვის მინისტრების გადაწყვეტილებით შეიქმნა ერთობლივი კომისია, რომელიც ინდივიდუალურად განიხილავს პატიმართა ჯანმრთელობის მდგომარეობას და შესაბამისი კრიტერიუმების დაკმაყოფილების შემთხვევაში ავადმყოფ მსჯავრდებულთა გათავისუფლების გადაწყვეტილებას მიიღებს.
კომისია ჯანმრთელობის დაცვის და სასჯელაღსრულების სამინისტროების თანამდებობის პირებით იქნება დაკომპლექტებული და მის მუშაობაში სამედიცინო პროფესიული ასოციაციებიდან მოწვეული ექიმ-სპეციალისტებიც მიიღებენ მონაწილეობას. კომისია რეგულარულად შეიკრიბება და გათავისუფლების მოთხოვნით შემოსულ განცხადებებს განიხილავს. კომისიის დებულება უფლებადამცველებთან, არასამთავრობო ორგანიზაციებთან და ექიმებთან კონსულტაციების შედეგად შეიქმნა.
