"რადისონ ბლუ ივერიაში"იუსტიციის სამინისტროს სახელმწიფო სერვისების განვითარების სააგენტოს პრეზენტაცია გაიმართა. ღონისძიება იუსტიციის მინისტრმა თეა წულუკიანმა გახსნა.
სააგენტო სამოქალაქო რეესტრის სააგენტოს ბაზაზე შეიქმნა. ახალი სააგენტო სახელმწიფო ორგანიზაციებს სერვისების განვითარებაში დაეხმარება. სერვისების განვითარების სააგენტო, იუსტიციის მინისტრის გადაწყვეტილებით, 2013 წლიდან საარჩევნო სიებთან დაკავშირებითაც იმუშავებს.
"სააგენტოს მომავალში ექნება დიდი დატვირთვა სხვადასხვა კუთხით. ერთ-ერთი მთავარი პრიორიტეტი უნდა იყოს, რა თქმა უნდა, მომსახურების ხარისხი. მინდა, რომ ეს სააგენტო დაკავდეს დაზუსტებულ საარჩევნო სიაზე მუშაობით", _ განაცხადა წულუკიანმა.