აშშ-ის ელჩი საქართველოში რიჩრდ ნორლანდი სოფელ წინწყაროში არსებულ ვითარებას გაეცნო და მუსულმან მლოცველებს შეხვდა. როგორც ჟურნალისტებთან ნორლანდმა განაცხადა მნიშვნელოვანია, სახელმწიფომ უზრუნველყოს ნებისმიერი ადამიანის უფლება და თავისუფლება, მიიღოს მონაწილეობა რელიგიურ ცერემონიაში.
,, ამერიკის შეერთებული შტატებისთვის რელიგიური თავისუფლების თემა ძალიან მნიშვნელოვანია, ჩვენ ყველამ ვიცით, რომ ინციდენტს ჰქონდა ადგილი როგორც წინწყაროში, ასევე სოფელ ნიგვზიანში. ეს ფაქტი შეშფოთებას იწვევს და ისეთი რადიკალური მოწოდებები, როგორც იყო "საქართველო ქართველებისთვის" შესაძლოა, გახდეს იმის საფუძველი, რომ ვითარება კონტროლიდან გავიდეს და ძალადობაში გადაიზარდოს. მნიშვნელოვანია, სახელმწიფომ უზრუნველყოს ნებისმიერი ადამიანის უფლება და თავისუფლება, მიიღოს მონაწილოება რელიგიურ ცერემონიაში", - აღნიშნა რიჩარდ ნორლანდმა.
შეგახსენებთ, რომ სოფელ წინწყაროში ერთ-ერთ სახლში მოწყობილ სამლოცველოში მუსლიმება პარასკევის ტრადიციული ლოცვა მშვიდობიანად ჩატაარეს. სოფელში აშშ-ის ელჩი სახალხო დამცველის აპარატის თანამშრომლებთან ერთად იმყოფებოდა და მათ მეგზურობას "საქართველოს მუსლიმთა კავშირის" ხელმძღვანელი ტარიელ ნაკაიძე უწევდა.