NDI-ის მიერ ჩატარებული კვლევის მიხედვით გამოკითხულთა 40% მიიჩნევს, რომ რუსეთი საქართველოსთვის საფრთხეს წარმოადგენს, მაგრამ ეს საფრთხე გაზვიადებულია, 26% მიიჩნევს, რომ რუსეთი საქართველოსთვის რეალურ და არსებულ საფრთხეს წარმოადგენს, ხოლო 22%-ის აზრით, რუსეთი საქართველოსთვის არანაირ საფრთხეს არ წარმოადგენს.
ამასთან, გამოკითხულთა 79% საქართველოს ამჟამინდელი ურთიერთობა რუსეთთან არ მოსწონს, 12% მოსწონს, ხოლო გამოკითხულთა 8%-მა კი შეკითხვაზე პასუხი არ იცის.
NDI-ის კვლევის საველე სამუშაო ჩატარდა 14-25 ნოემბრის პერიოდში, საქართველოს მასშტაბით 1,947 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (შიდა) და ატარებს კავკასიის კვლევითი რესურსების ცენტრი (ჩღღჩ). კვლევაში ცდომილების ზღვარი +-3%-ია.