კითხვაზე, რომელი ეროვნული საკითხია თქვენთვისა და თქვენი ოჯახისთვის მნიშვნელოვანი, პასუხების მაჩვენებელი ასე გადანაწილდა: 56 % სამუშაო ადგილები, 35 % ხელიმისაწვდომი სამედიცინო მომსახურება, ხოლო გამოკითხულთა 29 % ეროვნულ საკითხად ტერიტორიულ მთლიანობას მიიჩნევს.

რაც შეეხება შეკითხვას, თუ რომელია ყველაზე მნიშვნელოვანი თემა ადგილობრი საკითხებს შორის გამოკითხულთა 58 %-ი ნაგვის გადასახადის ელექტროენერგიასთან მიბმას ასახელებს. 56 %-ის კომუნალურ ღირებულებას, ხოლო 27 %-ი ადგილობრივ სამედიცინო მომსახურების არაარსებობას.

NDI-ს მიერ ნოემბერში ჩატარებული კვლევის შედეგები სახელწოდებით "საზოგადოების განწყობა საქართველოში" პრეზენტაცია "ქორთიარდ მარიოტში" გაიმართა. როგორც პრეზენტაციის დაწყებისას საქართველოში NDI-ს ოფისის ხელმძღვანელმა ლუის ნავარომ განაცხადა, კვლევის პოლიტიკური ნაწილის პრეზენტაცია ორშაბათს გაიმართება. NDI-ის კვლევის საველე სამუშაო ჩატარდა 14-25 ნოემბრის პერიოდში, საქართველოს მასშტაბით 1947 რესპოდენტი შემთხვევითი შერჩევის პრინციპით და პირდაპირი ინტერვიუს მეთოდით გამოიკითხა. კვლევის შედეგების საშუალო ცდომილების ზღვარი პლუს-მინუს 3%-ია.

NDI-ის კვლევებს აფინანსებს შვედეთის საერთაშორისო განვითარების და თანამშრომლობის სააგენტო (Sida) და ატარებს კავკასიის კვლევითი რესურსების ცენტრი (CRRC).